Ilahi Phir Hamein Sultan Kar De

Ilahi phir hamein sultan kar de
Musalmano ko phir zi-shan kar de

Karein kuffar, gar hum se koi makar
To un ke makar ko be-jaan kar de

Jo dushman hain Muhammad Mustafa ke
Unhein bhi sahib-e-imaan kar de

Basa de un ke dil mein bhi mohabbat
Unhein bhi aashiq-e-quran kar de

Jo duniya ki mohabbat mein hain doobe
Nabi ka taabi-e-farman kar de

Bure hain ya bhale, par hain to tere
Madine ka ise mehman kar de

Tadapta hai badi muddat se ‘Aarif’
Ilahi! Mushkilein aasan kar de