Khudaya Tu Mera Naseeba Bana De

Khudaya Tu Mera Naseeba Bana De
Ghubaar-e-Dar-e-Shah-e-Wala Bana De

Nabi Ka Deewana O Shaida Bana De
Ke Dil Ko Madina Madina Bana De

Mujhe Khaak-e-Batha Ka Zarra Bana De

Meri Khaak Bhi Paak Kar De Ilahi
Mujhe Khaak-e-Batha Ka Zarra Bana De

Adab Se Jhuka Kar Nazar Un Ko Dekhun
Dar-e-Shah Ki Jaali Ka Tukda Bana De

Nabi Ke Qadam Mere Seene Pe Aayen
Mujhe Un Ki Galiyon Ka Rasta Bana De

Main Ban Jaaun Aaqa Ke Nalein Ka Juz
Mujhe Aisa Ya Rab Anokha Bana De

Ilahi Ataon Ki Baarish Ho Mujh Par
Habib-e-Do Aalam Ka Mangta Bana De

Jahan Jaaye Arif Wahan Roshni Ho
Chamakta Hua Aisa Taara Bana De