Dard-e-Dil Ko Rahaton Ka Istiara Kar Diya

Dard-e-Dil Ko Rahaton Ka Istiara Kar Diya
Zikr-e-Ahmad Ne Mera Har Pal Sunahra Kar Diya

Rehmat-e-Maula Ne Mujh Ko Kitna Pyaara Kar Diya
Banda-e-Aasi Ko Un Ke Dar Ka Mangta Kar Diya

Un Ke Naqsh-e-Pa Ki Dhool Aayi Jo Chashm-e-Shauq Mein
Teera O Tareek Raston Ko Sitaara Kar Diya

Mauj-e-Isyaan Se Siyaahi Chha Gayi Jab Qalb Mein
Un Ke Naam-e-Paak Ne Dil Mein Ujaala Kar Diya

Be-Sahaaron Ko Sahaara Un Ki Chaukhat Se Mila
Un Ke Jalwon Ne Fazaa Ko Noor-Paara Kar Diya

Khaak-e-Taiba Ko Mila Jab Lams-e-Paaye-Mustafa
Zarra Zarra, Koocha Koocha, Kaif-Aara Kar Diya

Pehle To Kuchh Bhi Na Thi Arif Ki Hasti Baa-Yaqeen
Un Ki Nisbat Ne Ise Ab Maah-Paara Kar Diya