Mira Ranj Badh Raha Hai, Mere Gham Gusaar Aayen

Mira Ranj Badh Raha Hai, Mere Gham Gusaar Aayen
Miri Zindagi Mein Le Kar Wajah-e-Bahaar Aayen

Mira Chain Chhin Raha Hai, Miri Neend Ud Rahi Hai
Mere Khwaab Mein Khudaya, Shah-e-Zi Waqaar Aayen

Mere Lab Pe Tazkare Hon Har Dam Habib-e-Rab Ke
Wohi Teera Bakhtiyon Mein, Ban Kar Qaraar Aayen

Sar-e-Raah-e-Taiba Baithoon, Main Ghubaar-e-Raah Ban Kar
Shaayad Isi Taraf Se, Mere Taajdaar Aayen

Miri Simt Shah-e-Deen Ki Aaye Naseem-e-Rehmat
Mere Naseeb-e-Jaan Mein Jaan-e-Bahaar Aayen

Gham-e-Rozgaar Mujh Ko, Jab Jab Sataane Aaye
To Khayaal-e-Sabz Gunbad, Ban Kar Hisaar Aayen

Mere Ghar Ko Bhi Bana Dein Sarkar, Rashk-e-Jannat
Mere Ghar Mein Ban Ke Mehmaan Mere Gul Azaar Aayen

Miri Rooh Muskura Kar Nikle Mere Badan Se
Dam-e-Waapsi Jo Lene, Mere Gham Gusaar Aayen

Ae Kaash Ja Ke Taiba Naaten Sunaayen Arif
Dehleez-e-Mustafa Par, Qismat Sanwaar Aayen