Charagh E Ulfat Jalaye Rakhiye

Charagh-e-ulfat jalaye rakhiye, Nabi ki mahfil sajaye rakhiye
Wo rahat-e-dil, sukoon-e-jaan hain, unhi ko apna banaye rakhiye

Kareem hain wo, raheem hain wo, shafee hain wo, ghafoor hain wo
Tabeeb hain wo, wo hain maseeha, unhi se dil ko lagaye rakhiye

Hamari poonji hamari sarwat, hamare sab kuch to aap hi hain
Karam ki chadar hamare Aaqa! Hum aasiyon pe odhaye rakhiye

Yeh shahr-e-Taibah hai shahr-e-Aaqa, adab ka hardam kheyal rakhiye
Yahan akad kar na chaliye hargiz, yahan nazar ko jhukaye rakhiye

Gunah hamare hain had se bahar, hamare haami, hamare yawar
Baroz-e-mahshar hamare sarwar, ham aasiyon ko bachaye rakhiye

Na Aarif,aasi ko ruswa keeje, ise na yun be-hijaab keeje
Kafan ko rukh pe hi rehne deeje, uyub is ke chhupaye rakhiye