Haseen Hai, Be-Misal Baarish

Haseen hai, be-misaal baarish
Madine ki ba-kamal baarish

Bujhao aankhon ki tashnagi ko
Dikha rahi hai jamaal baarish

Naha sako to nahalo jam kar
Hai rahmaton ki kamaal baarish

Nabi-e-rahmat ki rahmaton ki
Hai ek adna misal baarish

Nabi ki azmat ka khayal rakho
Karegi tum ko nehal baarish

Baraye ushshaq-e-shah-e-taiba
Hai har ghari khush khisal baarish

Samajh sako to samajh lo Arif
Hai wajh-e-qurb o wisal baarish