Hum To Deedaar Ke Mushtaq O Talabgar Hain Bas

Hum to deedaar ke mushtaq o talab-gar hain bas
Talib-e-rooye pur-anwar o ziya-bar hain bas

Qaba qausain ki rif,at pe pahunchne wale
Hum ghareebon ke faqat aap madad-gar hain bas

Milkiyat sare jahanon ki ata ki Rab ne
Aap hi malik o mukhtaar hain, salaar hain bas

Aap ke lutf o karam ne hai sambhala hum ko
Warna ham mujrim o badkar, khata-kar hain bas

Sharm aati hai hamein apni siyah-kaari par
Aap hi ek maseeha-e-dil-e-zar hain bas

Aap ki azmat o rifat ke jo inkaari hain
Wo to badbakht hain, makkaar hain, ghaddaar hain bas

Ham se mumkin hai kahan haqq-e-sana-goeyi-e-shah
Ham to ek adna likhari hain, qalam-kaar hain bas

Bas isi aas pe Aarif ko hai ummeed-e-najat
Ham wafadar o ghulam-e-shah-e-abrar hain bus