Arzu-e-Kamaal Rakhte Hain

Arzu-e-kamaal rakhte hain
Na’t-goi ka khayal rakhte hain

Sharbat-e-deed ki tamanna hai
Arzu-e-visaal rakhte hain

Mere Aaqa hain be-misaal aise
Aap apni misaal rakhte hain

Chahte hain jo bin Nabi ke nijaat
Woh khayal-e-muhaal rakhte hain

Sab hai sadqa, Habeeb-e-Maula ka
Hum kahan khud kamaal rakhte hain

Koi mushkil ghari agar aaye
Hum ko Aaqa sambhaal rakhte hain

Aaiye kardein sab Nabi pe nisaar
Jo bhi hum jaan-o-maal rakhte hain

Apne Aarif ko apni rahmat se
Shaah-e-Aalam nihaal rakhte hain