Aaiye Sarkaar Ki Baatein Karein

Aaiye sarkaar ki baatein karein
Ahmad-e-mukhtar ki baatein karein

Mushkilo ko door karna hai agar
Mo’nis-o-gham-khar ki baatein karein

Zikr ho lab aur paaye naaz ka
Zulf-o-rukh, rukhsar ki baatein karein

“Khulqohul Quran” ke aaine mein
Hum hasiin kirdaar ki baatein karein

Raahat-e-qalb-o-jigar hai jin ki zaat
Un ki shafqat, pyaar ki baatein karein

Aao ‘Aarif’ mushk se dhokar zaban
Sayyid-e-abraar ki baatein karein