Ya Ilahi Reham Farma Mustafa Ke Waaste

Ya Ilahi reham farma Mustafa ke waaste
Ya Rasool Allah karam kijiye Khuda ke waaste

Mushkilein hal kar shah-e-mushkil kusha ke waaste
Kar balayein rad shaheed-e-Karbala ke waaste

Sayyid-e-Sajjad ke sadqe mein sajid rakh mujhe
Ilm-e-haq de Baqir-e-ilm-e-huda ke waaste

Sidq-e-sadiq ka tasadduq sadiq-ul-Islam kar
Be ghazab razi ho Kazim aur Raza ke waaste

Bahr-e-maruf o sari maruf de bekhud sari
Jund-e-haq mein gin Juned ba safa ke waaste

Bahr-e-Shibli sher-e-haq duniya ke kutton se bacha
Ek ka rakh Abd-e-Wahed be riya ke waaste

Bowl-farah ka sadqa kar gham ko farah de Hasan o Sa’d
Bowal-hasan aur bow-saeed sa’d zaa ke waaste

Qadri kar Qadri rakh Qadrion mein utha
Qadr-e-Abdul Qadir-e-qudrat numa ke waaste

Ahsan Allahu lahum rizqan se de rizq-e-Hasan
Banda-e-Razzaq Taj-ul-Asfiya ke waaste

Nasr-e-Abi Saleh ka sadqa Saleh o Mansur rakh
De hayat-e-deen muhayy-e-jaan faza ke waaste

Toor-e-irfan o ulu o hamd o husna o baha
De Ali Moosa Hasan Ahmad baha ke waaste

Bahr-e-Ibrahim mujh par naar-e-gham gulzar kar
Bhik de data bhikari badshah ke waaste

Khanah-e-dil ko ziya de ruy-e-iman ko jamal
Shah Ziya Maula Jamal-ul-Auliya ke waaste

De Muhammad ke liye rozi kar Ahmad ke liye
Khan-e-fazl Allah se hissa-e-gada ke waaste

Deen o duniya ke mujhe barkaat de barkaat se
Ishq-e-haq de ishqi ishq-e-intima ke waaste

Hubb-e-ahl-e-bait de Aal-e-Muhammad ke liye
Kar shaheed-e-ishq Hamza peshwa ke waaste

Dil ko achha tan ko suthra jaan ko pur noor kar
Achhe pyare Shams-e-deen Badr-ul-Ula ke waaste

Do jahan mein khadim-e-Aal-e-Rasool Allah kar
Hazrat-e-Aal-e-Rasool-e-muqtada ke waaste

Sadqa an a’yaan ka de chh’ ain izz ilm o amal
Afw o irfan aafiyat Ahmad Raza ke waaste