Phir Ke Gali Gali Tabah Thokaren Sab Ki Khaye Kyun

Phir ke gali gali tabah thokaren sab ki khaye kyun
Dil ko jo aql de Khuda, teri gali se jaaye kyun

Rukhsat-e-qafila ka shor ghash se hamein uthaye kyun
Sote hain unke saaye mein, koi hamein jagaye kyun

Baar na the Habeeb ko, paalte hi ghareeb ko
Royen jo ab naseeb ko, cheen kaho ganwaaye kyun

Yaad-e-Huzoor ki qasam, ghaflat-e-aish hai sitam
Khoob hain qaid-e-gham mein hum, koi hamein chhudaye kyun

Dekh ke Hazrat-e-Ghani, phail pade faqeer bhi
Chhaai hai ab to chhaoni, hashr hi aana jaaye kyun

Jaan hai ishq-e-Mustafa, roz fazoon kare Khuda
Jisko ho dard ka maza, naaz-e-dawa uthaye kyun

Hum to hain aap dil-figar, gham mein hansi hai naagawar
Chhed ke gul ko no-bahaar, khoon hamein rulaye kyun

Ya to yunhi tarap ke jaayen, ya wohi daam se chhudayen
Mannat-e-ghair kyun uthayen, koi taras jataaye kyun

Unke jalal ka asar, dil se lagaye hai Qamar
Jo ke ho lot zakhm par, daagh-e-jigar mitaye kyun

Khush rahe gul se Andaleeb, khaar-e-haram mujhe naseeb
Meri bala bhi zikr par, phool ke khaar khaye kyun

Garde malal agar dhule, dil ki kali agar khile
Barq se aankh kyun jale, rone pe muskuraaye kyun

Jaan-e-safar naseeb ko, kis ne kaha maze se so
Khatka agar seher ka ho, shaam se maut aaye kyun

Ab to na rok ‘Ghani’, aadat-e-sag bigad gayi
Mere Kareem, pahle hi luqma tar khilaye kyun

Raah-e-Nabi mein kya kami, farsh-e-biyaaz-e-deeda ki
Chaadar-e-zill hai malgaji, zer-e-qadam bichhaye kyun

Sang-e-dare Huzoor se, hum ko Khuda na sabr de
Jaana hai sar ko ja chuke, dil ko qaraar aaye kyun

Hai to Raza nira sitam, jurm pe gar lajayen hum
Koi bajaye soz-e-gham, saaz-e-tarab bajaye kyun