Tera Zara Mah-e-Kamil Hai Ya Ghaus

Tera zarra mah-e-kamil hai ya Ghaus
Tera qatra yam-e-saail hai ya Ghaus
Koi saalik hai ya wasil hai ya Ghaus
Woh kuchh bhi ho tera saail hai ya Ghaus

Qad-e-be-saya zill-e-kibriya hai
Tu is be-saya zill ka zill hai ya Ghaus
Teri jagir mein hai sharq ta gharb
Qalamro mein haram ta hill hai ya Ghaus

Dil ishq aur rukh-e-husn aaine hain
Aur in dono mein tera zill hai ya Ghaus
Teri shama-e-dil ara ki tab o taab
Gul o bulbul ki aab o gil hai ya Ghaus

Tera majnun tera sahra tera najd
Teri laila tera mahmil hai ya Ghaus
Yeh teri champai rangat-e-husaini
Hasan ke chand subh-e-dil hai ya Ghaus

Gulistan zaar teri pankhri hai
Kali so khuld ka hasil hai ya Ghaus
Ugaal iska udhaar abrar ka ho
Jise tera ulush hasil hai ya Ghaus

Ishara mein kiya jis ne qamar chaak
Tu us mah ka mah-e-kamil hai ya Ghaus
Jise arsh-e-dom kahte hain aflaak
Woh teri kursi-e-manzil hai ya Ghaus

Tu apne waqt ka siddique-e-akbar
Ghanee o Haider o aadil hai ya Ghaus
Wali kya mursal aayein khud huzoor aayein
Woh teri waaz ki mehfil hai ya Ghaus

Jise maange na paayein jaah waale
Woh bin maange tujhe haasil hai ya Ghaus
Fuyooz-e-aalam ummee se tujh par
Ayaan maazi o mustaqbil hai ya Ghaus

Jo qarnon sair mein aarif na paayein
Woh teri pehli hi manzil hai ya Ghaus
Malak mashghool hain is ki sana mein
Jo tera zaakir o shaaghil hai ya Ghaus

Na kyun ho teri manzil arsh-e-saani
Ke arsh-e-haq teri manzil hai ya Ghaus
Wahin se ubale hain saaton samandar
Jo teri nehar ka saahil hai ya Ghaus

Malaik ke bashar ke jinn ke halqe
Teri zao maah-e-har manzil hai ya Ghaus
Bukaara o Iraq o Chisht o Ajmer
Teri lo shama-e-har mehfil hai ya Ghaus

Jo tera naam le zaakir hai pyaare
Tasawwur jo kare shaagil hai ya Ghaus
Jo sar de kar tera sauda khareede
Khuda de aqal woh aaqil hai ya Ghaus

Kaha tu ne ke jo maango milega
Raza tujh se tera saail hai ya Ghaus