Jo Tera Tifl Hai Kaamil Hai Ya Ghaus

Jo tera tifl hai kaamil hai ya ghaus
Tufaili ka laqab waasil hai ya ghaus

Tasawwuf tere maktab ka sabak hai
Tasarruf par tera aamil hai ya ghaus

Teri sair ilallah hi hai fillah
Ke ghar se chalte hi mausil hai ya ghaus

To noor-e-awwal o aakhir hai maula
To khair-e-aajil o aajil hai ya ghaus

Malak ke kuchh bashar kuchh jinn ke hain pir
To shaykh-e-aali o safil hai ya ghaus

Kitab-e-har dil aasar taarruf
Tere daftar hi se naaqil hai ya ghaus

Futuh al-ghaib agar roshan na farmaye
Futuhat o fusus aafil hai ya ghaus

Tira mansub hai marfu us ja
Izaafat rafa ki aamil hai ya ghaus

Tire kaami mashaqqat se bari hain
Ke bartar nasb se faail hai ya ghaus

Ahad se Ahmad aur Ahmad se tujh ko
Kun aur sab kun makun haasil hai ya ghaus

Teri izzat teri rifat tera fazl
Bifazli afzal o faazil hai ya ghaus

Tere jalwe ke aage mintaqa se
Mah o khor par khat baatil hai ya ghaus

Siyahi maail uski chaandni aayi
Qamar ka yun falak maail hai ya ghaus

Tila-e-mehr hai taksaal baahar
Ke khaarij markaz haamil hai ya ghaus

To barzakh hai barang-e-nun-e-minnat
Do jaanib muttasil waasil hai ya ghaus

Nabi se aakhiz aur ummat par faiz
Udhar qaabil idhar faail hai ya ghaus

Nateeja hadd-e-ausat gar ke de aur
Yahan jab tak ki to shaamil hai ya ghaus

Alaa tuba lakum hai woh ke jin ka
Shabana roz wird-e-dil hai ya ghaus

Ajam kaisa Arab hill kya haram mein
Jami har ja teri mahfil hai ya ghaus

Hai sharh-e-ism al-Qaadir tera naam
Yeh sharh is matan ki haamil hai ya ghaus

Jabeen-e-jubba farsaai ka sandal
Teri deewar ki kahgil hai ya ghaus

Baja laaya woh amr saari’u ko
Teri jaanib jo musta’jil hai ya ghaus

Teri qudrat to fitriyaat se hai
Ke qaadir naam mein daakhil hai ya ghaus

Tasarruf wale sab mazhar hain tere
Tu hi is pardey mein faail hai ya ghaus

Raza ke kaam aur ruk jaayein haasha
Tera saail hai to baazil hai ya ghaus