Dushman-e-Ahmad Pe Shiddat Kijie

Dushman-e-Ahmad pe shiddat kijie
Mulhidon ki kya maruwwat kijie

Zikr un ka chheriye har baat mein
Cherhna shaitan ka aadat kijie

Misl-e-Fars zilzile hon Najd mein
Zikr-e-aayat-e-wiladat kijie

Ghaiz mein jal jayen be-deenon ke dil
Ya Rasool Allah ki kasrat kijie

Kijie charcha unhin ka subh-o-shaam
Jaan-e-kafir par qayamat kijie

Aap dargah-e-Khuda mein hain wajeeh
Haan shafa’at bil-wajahat kijie

Haq tumhein farma chuka apna Habib
Ab shafa’at bil-mahabbat kijie

Izn kab ka mil chuka ab to Huzoor
Hum gharibon ki shafa’at kijie

Mulhidon ka shak nikal jaye Huzoor
Jaanib-e-mah phir ishaarat kijie

Shirk thahre jis mein ta’zeem-e-Habib
Is bure mazhab par la’nat kijie

Zaalimon! Mahboob ka haqq tha yahi
Ishq ke badle adaawat kijie

Waz-zhuha, Hujurat, Alam nashrah se phir
Mominon! Itmam-e-hujjat kijie

Baithte uthte Huzoor-e-Paak se
Iltija-o-isti’anat kijie

Ya Rasool Allah duhai aap ki
Goshmal-e-ahl-e-bid’at kijie

Ghous-e-Azam aap se faryaad hai
Zinda phir ye paak millat kijie

Ya Khuda tujh tak hai sab ka muntahi
Auliya ko hukm-e-nusrat kijie

Mere Aaqa Hazrat-e-Achchhe Miyaan
Ho Raza achha wo soorat kijie