Rashk-e-qamar Hoon Rang-e-rukh-e-aftab Hoon

Rashk-e-qamar hoon rang-e-rukh-e-aaftab hoon
Zarra tera jo ai shah-e-gardun janab hoon

Durr-e-najaf hoon gohar-e-paak-e-khushab hoon
Yani turab-e-rah guzar bu turab hoon

Gar aankh hoon to abr ki chashm-e-pur-aab hoon
Dil hoon to barq ka dil-e-pur-iztirab hoon

Khooni jigar hoon taair-e-be-ashiyan shaha
Rang-e-parida-e-rukh-e-gul ka jawab hoon

Be asl-o-be sabat hoon bahr-e-karam madad
Parwarda-e-kinar-e-surab-o-habab hoon

Ibrat faza hai sharm-e-gunah se mera sukoot
Goya lab-e-khamosh-e-lahad ka jawab hoon

Kyun nala soz lay karoon kyun khoon-e-dil piyoon
Seekh-e-kabab hoon na main jam-e-sharab hoon

Dil basta be-qarar, jigar chaak, ashkbaar
Ghancha hoon gul hoon barq tapaan hoon sahab hoon

Dawa hai sab se teri shafaat pe beshtar
Daftar mein asiyon ke shaha intikhab hoon

Maula duhaai nazron se gir kar jala ghulam
Ashk-e-muza rasida-e-chashm-e-kabab hoon

Mit jaye ye khudi to wo jalwa kahan nahin
Darda main aap apni nazar ka hijab hoon

Sadaqe hoon us par naar se dega jo mukhalsi
Bulbul nahin ki aatish-e-gul par kabab hoon

Qalb tahi kiye huma aaghosh hai hilaal
Ai shahsawar-e-tayyaba! main teri rikaab hoon

Kya kya hain tujh se naaz tere qasr ko ki main
Kaaba ki jaan, arsh-e-bareen ka jawab hoon

Shaha bujhe saqar mere ashkon se taan na main
Aab-e-abs chakida-e-chashm-e-kabab hoon

Main to kaha hi chaahun ki banda hoon shah ka
Par lutf jab hai kahuun agar wo janaab “hoon”

Hasrat mein khaak-bosi-e-tayyaba ki ai Raza
Tapka jo chashm-e-mehr se wo khoon-e-naab hoon