Ronaq-e-Bazm-e-Jahan Hain Aashiqan-e-Sokhta

Ronaq-e-bazm-e-jahan hain aashiqan-e-sokhta
Keh rahi hai shama ki goya zaban-e-sokhta

Jisko qurs-e-mehr samjha hai jahan aye mun’imo!
Un ke khwan-e-jud se hai ek nan-e-sokhta

Mah-e-man ye nair-e-mahshar ki garmi tab se
Aatish-e-asyaan mein khud jalti hai jaan-e-sokhta

Barq-e-angisht-e-nabi chamki thi is par ek baar
Aaj tak hai seena-e-meh mein nishaan-e-sokhta

Mehr-e-aalam-taab jhukta hai pa-e-tasleem roz
Pesh-e-zarraat-e-mazar-e-baidaan-e-sokhta

Kocha-e-gesu-e-jaanaan se chale thandi nasim
Baal-o-par afshan hon yaarab bulbulan-e-sokhta

Behaq aye bahr-e-rahmat ek nigaah-e-lutf-e-baar
Jal ke be-aab tarpi maahiyan-e-sokhta

Roo-e-khursheed-e-mahshar ho tumhaare faiz se
Ik sharaar-e-seena-e-shidayi-e-sokhta

Aatish-e-tardamani ne dil kiye kya kya kabaab
Khizr ki jaan ho jila do maahiyan-e-sokhta

Aatish-e-gulha-e-tayyaba par jalane ke liye
Jaan ke talib hain pyare bulbulan-e-sokhta

Lutf-e-barq-e-jalwa-e-miraj laaya wajd mein
Shola-e-jawalah saan hai aasmaan-e-sokhta

Aye Raza mazmoon-e-soz-e-dil ki rif’at ne kya
Is zameen-e-sokhta ko aasmaan-e-sokhta