Sar Su-e Roza Jhuka Phir Tujh Ko Kya

Sar su-e roza jhuka phir tujh ko kya
Dil tha sajid najdiya phir tujh ko kya

Baithte uthte madad ke waste
Ya Rasoolallah kaha phir tujh ko kya

Ya gharaz se chhat ke mahz zikr ko
Naam-e pak unka japa phir tujh ko kya

Be-khudi mein sajda-e dar ya tawaf
Jo kya achha kya phir tujh ko kya

Unko tamleek malik-ul-mulk se
Malik-e aalam kaha phir tujh ko kya

Unke naam-e pak par dil jaan o maal
Najdiya sab taj diya phir tujh ko kya

Ya ibadi keh ke hum ko shah ne
Apna banda kar liya phir tujh ko kya

Dev ke bandon se kab hai ye khitab
Tu na unka hai na tha phir tujh ko kya

La ya’udoon aage hoga bhi nahi
Tu alag hai daima phir tujh ko kya

Dasht-e gird o pesh-e Tayba ka adab
Makka sa tha ya siwa phir tujh ko kya

Najdi marta hai ke kyun tazeem ki
Yeh hamara deen tha phir tujh ko kya

Dev tujh se khush hai phir hum kya karein
Hum se raazi hai Khuda phir tujh ko kya

Dev ke bandon se hum ko kya gharaz
Hum hain abd-e Mustafa phir tujh ko kya

Teri dozakh se to kuch chheena nahi
Khald mein pahuncha Raza phir tujh ko kya