Ho Arab ki zameen ya Ajam ki zameen
Koi aaya nahi Fatima ki tarah

Keh rahe hain Ali zindagi mein koi
Dil ko bhaya nahi Fatima ki tarah

Jaan qurban kyun na ho Sarkar ki
Apni pyari si beti ki muskaan par

Chehra-e-Mustafa ko koi dekh kar
Muskuraya nahi Fatima ki tarah

Sayyidah, Tahirah aur Zahra Batool
Kitne dilkash tumhare ye alqaab hain

Aabru ki bulandi ka ye martaba
Kisi ne paya nahi Fatima ki tarah

Jaan qurban ki apni aulaad ki
Haq ada kar diya deen-e-Islam ka

Karbala mein Faraz phir kisi ne kabhi
Ghar lutaya nahi Fatima ki tarah