Rok leti hai aap ki nisbat,
Teer jitne bhi hum pe chalte hain
Yeh karam hai Huzoor ka hum par,
Aane wale azaab talte hain

Wohi bharte hain jholiyan sab ki,
Wohi samajhte hain boliyan sab ki
Aao Bazaar-e-Mustafa ko chalen,
Gham khushi mein wahin pe dhalte hain

Apni auqaat sirf itni hai,
Kuch nahin baat sirf itni hai
Kal bhi tukron pe unke palte the,
Ab bhi tukron pe unke palte hain

Aur ab humein kya koi giraayega,
Har sahaara galay lagaayega
Humne Khuda ko gira diya hai wahan,
Girne wale jahan sambhalte hain

Ghar wohi mushk-baar hote hain,
Khuld se hum-kinaar hote hain
Zikr-e-Sarkar ke hawale se,
Jin gharon mein chiraagh jalte hain

Zikr-e-Sarkar ke ujaalon ki,
Be-nihaayat hain rif‘atein Khalid
Yeh ujaale kabhi na simtenge,
Yeh woh sooraj nahin jo dhalte hain

Rok leti hai aap ki nisbat,
Teer jitne bhi hum pe chalte hain
Yeh karam hai Huzoor ka hum par,
Aane wale azaab talte hain