Ahl-e-Siraat Rooh-e-Ameen Ko Khabar Karein

Ahl-e-Siraat rooh-e-ameen ko khabar karein
Jaati hai ummat-e-nabavi farsh par karein

In fitna-haa-e-hashr se kahdo hazar karein
Naa zon ke paale aate hain rah se guzar karein

Bade hain toh aap ke hain, bhale hain toh aap ke
Tukdon se toh yahan ke pale, rukh kidhar karein

Sarkaar hum kameenon ke atwaar par na jaayen
Aaqa huzoor apne karam par nazar karein

Un ki haram ke khaar kasheda hain kis liye
Aankhon mein aayen, sar pe rahein, dil mein ghar karein

Jaalon pe jaal pad gaye, lillah waqt hai
Mushkil kushayi aap ke naakhun agar karein

Manzil kari hai, shaan-e-tabassum karam kare
Taaron ki chhaaon, noor ke tadke safar karein

Qalam-e-Raza hai khanjar-e-khoonkhar barq baar
Aadha se kahdo khair manaayen na shar karein