Apni Qismat Jaga liya Ham Ne

Apni qismat jagaliya ham ne
Dil, Nabi se laga liya ham ne
Kaash kah den Huzoor bhi hum se
Tum ko apna bana liya hum ne

Daman-e-Shah-e-deen men chhup kar
Khud ko gham se bacha liya ham ne
Sarwari ki nahi rahi chahat
Chaakri un ki paa liya ham ne

Koi manzar janche bhala kaise
Dil men Tayibah basa liya ham ne
Mustafa par durood padh padh kar
Ghar men rahmat bula liya ham ne

Aagya jab rukh-e-Nabi ka kheayal
Apne sar ko jhuka liya ham ne
Be-sukooni mein zikr-e-Sarwar se
Chain dil ka hai paa liya ham ne

Aayiye dekhiye zara Aarif
Rang apna jama liya ham ne