Chamak Tujh Se Paate Hain Sab Paane Wale

Chamak tujh se paate hain sab paane waale
Mira dil bhi chamaka de chamkaane waale

Barasta nahin dekh kar abr-e-rahmat
Badon par bhi barsa de barsaane waale

Madina ke khatta khuda tujh ko rakhe
Gharibon faqiron ke thahraane waale

Tu zinda hai wallah tu zinda hai wallah
Mire chashm-e-aalam se chhup jaane waale

Main mujrim hoon aaqa mujhe saath le lo
Ki raaste mein hain ja baja thaane waale

Haram ki zameen aur qadam rakh ke chalna
Are sar ka mauqa hai o jaane waale

Chal utth jabbah farsa ho saaqi ke dar par
Dar-e-jood e mere mastane waale

Tera khaayein tere ghulaamon se uljhein
Hain munkir ajab khaane ghurraane waale

Rahega yun hi un ka charcha rahega
Pade khaak ho jaayein jal jaane waale

Ab aayi shafa’at ki saa’at ab aayi
Zara chain le mere ghabraane waale

Raza nafs dushman hai dam mein na aana
Kahaan tum ne dekhe hain chandran waale