Huzoor Aap Ka Uswah Hai Zindagi Ka Noor

Huzoor Aap Ka Uswah Hai Zindagi Ka Noor
Huzoor Aap Ki Chaahat Hai Bandagi Ka Noor

Huzoor Aap Ki Chaukhat Hai Markaz-e-Anwaar
Huzoor Aap Ke Dar Se Hai Khasravi Ka Noor

Huzoor Aap Ka Jalwa Hai Farsh Se Ta Arsh
Huzoor Aap Ka Kalma Hai Har Khushi Ka Noor

Huzoor Aap Ke Dam Se Hai Kaa’inaat Ka Rang
Huzoor Aap Ki Barkat Hai Dilkashi Ka Noor

Huzoor Aap Ka Sadqa Hai Gulistaan-e-Jahaan
Huzoor Aap Ki Ne’mat Hai Taazagi Ka Noor

Huzoor Aap Ke Faizaan Ki Koi Had Hi Nahin
Huzoor Aap Ki Bakhshish Hai Har Kali Ka Noor

Huzoor Aap Ki Seerat Kitaab-e-Kaamil Hai
Huzoor Aap Ki Soorat Hai Dilbari Ka Noor

Huzoor Aap Ki Midhat Hai Tosha-e-Bakhshish
Huzoor Aap Ki Ulfat Hai Barzakhi Ka Noor

Huzoor Aap Ke Dam Se Shuoor-e-Haq Jaaga
Huzoor Aap Ka Khutba Hai Aagahi Ka Noor

Huzoor Aap Ki Rehmat Hai Be-Kason Ki Panaah
Huzoor Aap Ka Sadqa Hai Chaandni Ka Noor

Huzoor Apne Sanaa Khwaan Ki Laaj Rakh Leeje
Huzoor Aap Ki Yaadein Hain Be-Kasi Ka Noor

Huzoor Aap Ki Khaatir Bani Hai Yeh Duniya
Huzoor Aap Ki Azmat Hai Har Sadi Ka Noor

Huzoor Aap Ki Nisbat Hi Asl-e-Imaan Hai
Huzoor Aap Ka Daaman Hai Mukhlisi Ka Noor

Huzoor Aap Ke Tukdon Pe Pal Raha “Arif”
Huzoor Aap Ka Sadqa Hai Shaairi Ka Noor