Imaan Hai Qaal-e-Mustafai

Imaan hai qaal-e-Mustafai
Qur’an hai haal-e-Mustafai

Allah ki saltanat ka dulha
Naqsh-e-timsaal-e-Mustafai

Kul se baala Rusul se a’ala
Ijlaal o jalaal-e-Mustafai

As’haab numoone rehnuma hain
Kashti hai aal-e-Mustafai

Idbaar se tu mujhe bacha le
Pyaare iqbaal-e-Mustafai

Mursal mushtaaq-e-haq hain aur haq
Mushtaaq vasaal-e-Mustafai

Khwaahaan-e-visaal-e-Kibriya hain
Juyaan-e-jamaal-e-Mustafai

Mahboob o mahboob ki milk hai ek
Kaunain hain maal-e-Mustafai

Allah na chhoote dast-e-dil se
Daaman-e-khiyaal-e-Mustafai

Hain tere supurd sab ummeedein
Ae jood o nawaal-e-Mustafai

Raushan kar qabr-e-bekason ki
Ae shama’-e-jamaal-e-Mustafai

Andhera hai be tere mera ghar
Ae shama’-e-jamaal-e-Mustafai

Mujh ko shab-e-gham dara rahi hai
Ae shama’-e-jamaal-e-Mustafai

Aankhon mein chamak ke dil mein aa ja
Ae shama’-e-jamaal-e-Mustafai

Meri shab-e-taara din bana de
Ae shama’-e-jamaal-e-Mustafai

Chamka de naseeb-e-bad-naseeban
Ae shama’-e-jamaal-e-Mustafai

Qazzaq hain sar pe raah gum hai
Ae shama’-e-jamaal-e-Mustafai

Chhaaya aankhon tale andhera
Ae shama’-e-jamaal-e-Mustafai

Dil sard hai apni lo laga de
Ae shama’-e-jamaal-e-Mustafai

Ghanghor ghataein gham ki chhaayen
Ae shama’-e-jamaal-e-Mustafai

Bhatka hoon to raasta bata ja
Ae shama’-e-jamaal-e-Mustafai

Faryaad dabati hai siyahi
Ae shama’-e-jamaal-e-Mustafai

Mere dil-e-murda ko jala de
Ae shama’-e-jamaal-e-Mustafai

Aankhen teri raah tak rahi hain
Ae shama’-e-jamaal-e-Mustafai

Dukh mein hain andheri raat waale
Ae shama’-e-jamaal-e-Mustafai

Taarik hai raat ghamzadon ki
Ae shama’-e-jamaal-e-Mustafai

Ho donon jahan mein munh ujaala
Ae shama’-e-jamaal-e-Mustafai

Taariki-e-gor se bacha na
Ae shama’-e-jamaal-e-Mustafai

Pur noor hai tujh se bazm-e-aalam
Ae shama’-e-jamaal-e-Mustafai

Hum teera dilon pe bhi karam kar
Ae shama’-e-jamaal-e-Mustafai

Lillah idhar bhi koi phera
Ae shama’-e-jamaal-e-Mustafai

Taqdeer chamak uthe Raza ki
Ae shama’-e-jamaal-e-Mustafai