Mere Sarkaar Ka Rutba Jahan Bhar Se Nirala Hai

Mere Sarkaar ka rutba jahan bhar se nirala hai
Zameen se aasman tak bas unhi ka bol bala hai

Na unka koi saya hai na sani hai zamane mein
Mere Maula ne unko noor ke sanche mein dhala hai

Nabi ke jalwa-e-zeeba se shadabi hai har janib
Unhi ki rehmatoon ka sare aalam mein ujala hai

Bazahir parwarish ki hai Halima Bi ne Aaqa ki
Magar dar,asal Aaqa ne Halima Bi ko pala hai

Madina dekh kar, firdaus jab dekhega deewana
Kahega ye haseen manzar to mera dekha bhala hai

Wahi haqdar hoga rahmat-e-baari ka mahshar mein
Chiragh-e-ishq-e-Shah-e-Deen ka jis mein ujala hai

Hamesha rahmaton ke saaye mein rehte hain hum Aarif
Habib-e-Rabb-e-Akbar ne hamein har dam sambhala hai