Raahbar Aap Hain Rahnuma Aap Hain

Raahbar aap hain, rahnuma aap hain
Mere Sarkar, mushkil-kusha aap hain

Hadd-e-rif’at ki ta’yeen mumkin nahin
Aisi rif’at pe jalwa-numa aap hain

Jaan-e-kon-o-makan ae shah-e-do-jahan
Sab se afzal to baad-e-Khuda aap hain

Aap jaan-e-zameen, jaan-e-arsh-e-bareen
Aisi be-misl Rab ki ata aap hain

Aap ke dar se khaali na lauta koi
Kiyun-ke jaan-e-sakha-o-ata aap hain

Kitna khush-bakht Aarif hai yeh aap ka
Is ka darain mein nakhuda aap hain