Rasool-e-Paak Se Dil Ko Laga Ke Baithe Hain

Rasool-e-Paak Se Dil Ko Laga Ke Baithe Hain
Nigaah O Dil Mein Madina Basa Ke Baithe Hain

Munawwar Un Ke Tasavvur Se Hai Hayaat Apni
Nazar Mein Jalwa-e-Zeeba Jama Ke Baithe Hain

Woh Jin Ke Khaak-e-Qadam Aankh Ko Shifa Bakhshen
Hum Aisi Khaak Ko Surma Bana Ke Baithe Hain

Naseeb Hoga Kabhi To Visaal Ka Muzhda
Hum Un Ki Raah Mein Palken Bichha Ke Baithe Hain

Na Takht O Taaj Ki Khwaahish, Na Fikr-e-Duniya Hai
Nabi Ki Yaad Ko Dil Se Laga Ke Baithe Hain

Hamaare Dil Mein Hai Zikr-e-Huzoor Ki Barkat
Hum Apni Rooh Ko Gulshan Bana Ke Baithe Hain

Shafaat-e-Shah-e-Batha Pe Hai Yaqeen Hamein
Gunaahgaar Hain, Daaman Bichha Ke Baithe Hain

Karam Ho Arif-e-Aasi Pe Ae Mere Maula
Labon Pe Naam-e-Paighambar Saja Ke Baithe Hain