Sahara do sahara do sahara ya Rasool Allah
Meri kashti ko mil jaye kinara ya Rasool Allah

Na Jannat ki mujhe khwahish na dozakh ki mujhe parwah
Mere haathon mein hai daaman tumhara ya Rasool Allah

Suna hai Gumbade Khazra bahut hi khoobsurat hai
Meri aankhein bhi kar leti nazara ya Rasool Allah

Kisi ki jai-vijay hum kyun pukarein kya gharaz humko
Hamein bas aapka kaafi hai naara ya Rasool Allah

Na lein jab tak tumhara naam bakhshish ho nahi sakti
Wo bakhsha jayega jisne pukara ya Rasool Allah

Main samjhunga jo mahshar mein ke bakhshish ho na payegi
To us dam wasta dunga tumhara ya Rasool Allah

A’taa kar do a’taa kar do hamein sadqa nawason ka
Hai tukdon par tumhare hi guzara ya Rasool Allah

Zamana kuch kahe deewane apni jaan de denge
Magar daaman na chodenge tumhara ya Rasool Allah

Ba-roz-e-hashar mere is yaqeen ki laaj rakh lena
Tumhara hoon tumhara hoon tumhara ya Rasool Allah