Shah-e-Abrar Se Jitni Mahabbat Hoti Jaye Gi

Shah-e-Abrar se jitni mhabbat hoti jaye gi
Khuda-e-Paak ki utni hi rahmat hoti jaye gi

Quran-e-Paak ke aayine mein naatein padho hardam
Tilawat hoti jaye gi ibadat hoti jaye gi

Durood-e-Paak ko apna wazeefa roz-o-shab karlo
Nabi ke rooye anwar ki ziyarat hoti jaye gi

Dar-e-Sarkar par ik roz InshaAllah jaayein ge
Karam Sarkar ka hoga sakhawat hoti jaye gi

Nabi ki naat padhne se sanwar jaaye gi duniya bhi
Munawwar is amal se meri turbat hoti jaye gi

Baroz-e-hashr mere Mustafa apna jise kah den
To us par ba-Khuda qurbaan jannat hoti jaye gi

Nabi ke aashiqon ka donoon aalam mein bhala hoga
Jo gustaakh-e-Nabi hain un pe aafat hoti jaye gi

Karam farmaayen ge Aaqa yaqeen  apne Aarif par
Baroz-e-hashr is aasi pe rahmat hoti jaye gi