Marzi E Khaliq Raze E Mustafa

Marzi-e-Khaliq, Raza-e-Mustafa
Sara aalam hai bara-e-Mustafa

Un ka rutba un ki azmat hai buland
Arsh bhi hai zer-e-pa-e-Mustafa

Ambiya-o-auliya sab hain nisaar
Keya hasin tar hai ada-e-Mustafa

Rab ta’ala ko wahi maqbool hai
Jis ki aadat hai sana-e-Mustafa

us ne paayi hai Khuda ki bhi raza
Jis ne paali hai raza-e-Mustafa

Ayb mere jo chhupaye hashar men
Keya hai woh? Woh hai rida-e-Mustafa

Taaj walon se bada ban jaaoon main
Ho jo sar par naal-e-pa-e-Mustafa

Eid se badh kar hamari eid ho
Kaash mumkin ho, liqa-e-Mustafa

Naat Aarif padh raha hai bazm mein
Fazl-e-Maula hai, ata-e-Mustafa