Jahaan Bhar Ke Liye Armughan E Rahmat Hai

Jahaan bhar ke liye armughan-e-rahmat hai
“Huzoor aap ka uswa jahan-e-rahmat hai”

Huzoor aap ke jood-o-karam ka taalib hoon
Ke aap ka dar-e-aali, makan-e-rahmat hai

Zaban-e-Sayyid-e-Kaunain kun ki kunji hai
Nabi ka naqsh-e-kaf-e-pa nishan-e-rahmat hai

Sukhan, Huzoor ka wahi-e-Khuda-e-Ta’ala hai
Kalam un ka ada-e-bayan-e-rahmat hai

Ghulam-e-Aal-e-Nabi hoon ye shaan hai meri
Mera naseeb bhi wabastagan-e-rahmat hai

Maqam-e-gul ka pata kaise ho sake Aarif
Dar-e-Habeeb ka kaanta bhi shan-e-rahmat hai