Yaad-E-Watan Sitam Kiya Dasht-E-Haram Se Lai Kyun

Yaad-e-watan sitam kiya dasht-e-haram se lai kyun
Baithe bithaye badnaseeb sar pe bala uthai kyun

Dil mein tou chot thi dabi haye ghazab ubhar gayi
Poochho tou aah-e-sard se thandi hawa chalai kyun

Chhod ke us haram ko aap ban mein thagon ke aabso
Phir kaho sar pe dhar ke haath lut gayi sab kamai kyun

Bagh-e-arab ka sarw-e-naaz dekh liya hai warna aaj
Qumri-e-jaan-e-ghamzada goonj ke chahachai kyun

Naam-e-madina le diya chalne lagi naseem-e-khald
Sozish-e-gham ko humne bhi kaisi hawa batayi kyun

Kis ki nigah ki haya phirti hai meri aankh mein
Nargis-e-mast naaz ne mujh se nazar churayi kyun

Tu ne tou kar diya tabib aatish-e-sina ka ilaaj
Aaj ke dood-e-aah mein bu-e-kabab aayi kyun

Fikr-e-maaish bad-bala haul-e-maad jaan-gaza
Lakho bala mein phansne ko rooh-e-badan mein aayi kyun

Ho nah ho aaj kuch mera zikr huzoor mein hua
Warna meri taraf khushi dekh ke muskurai kyun

Hoor-e-jinan sitam kiya tayyaba nazar mein phir gaya
Chhed ke parda-e-hijaz des ki cheez gayi kyun

Ghaflat-e-sheikh o shab par hanste hain tifl-e-sheer-khawar
Karne ko gad-gadi abas aane lagi bahai kyun

Arz karun huzoor se dil ki tou mere khair hai
Peeti thi sar ko aarzu dasht-e-haram se aayi kyun

Hasrat-e-nau ka saniha sunte hi dil bigar gaya
Aise mariz ko Raza marg-e-jawan sunayi kyun