Apna Daman Rahmaton Se Aaj Main Ne Bhar Liya

Apna daman rahmaton se aaj main ne bhar liya
Un ka banda hoke main ne khud ko sarwar kar liya

Zikr un ka kar raha hoon padh ke naat-e-Mustafa
Dekh lo bakhshish ka apni, main ne saaman kar liya

Gar farishte mujh se poochein bheek men kya chahiye
Fakhr se un se kahoon main ne Nabi ka dar liya

Main Hussaini hoon hawaadis ka mujhe kuch gham nahin
Deen ki khaatir wiraasat mein dil-e-muztar liya

Main qalandar hoon Nabi ka, Ghaus ka khaadim hoon mein
Meri qismat ne aqeedat ka mah-o-akhtar liya

Main ne Khwaja ki gadaai apne Rab se maang li
Jis ko duniya se thi ulfat us ne seem-o-zar liya

Main tasawwur hi tasawwur mein Madinah aa gaya
Ulfat-e-Sarkaar ka jab main ne baal-o-par liya

Naat padh padh kar meri qismat bulandi par hui
Ab to Aarif ne bhi dekho, qeemti jauhar liya