Kar do karam, Maula! Kar do karam

Kar Do Karam, Maula! Kar Do Karam
Hum Pe Karam, Maula! Hum Pe Karam

Bikhre Hue Sharmsaar Hain Hum
Rehmat Ke Talabgaar Hain Hum
Waasta Nabi Ka, Maula! Rakh Lo Bharam

Kar Do Karam, Maula! Kar Do Karam
Hum Pe Karam, Maula! Hum Pe Karam

Dene Wala Tu Bada Hai
Hum Tujhi Se Maangte Hain
Karta Hai Tu Hi ‘Ata

Mushkilon Ki Kar Kushai
Hum Se De Hamein Rihai
Itni Si Hai Iltija

Bikhre Hue Sharmsaar Hain Hum
Rehmat Ke Talabgaar Hain Hum
Waasta Nabi Ka, Maula! Rakh Lo Bharam

Kar Do Karam, Maula! Kar Do Karam
Hum Pe Karam, Maula! Hum Pe Karam

Tu Khaaliq-E-Do-Jahaan Hai
Zarre Zarre Se ‘Ayaan Hai
Teri Hi Hamd-O-Sana

Rabb-E-Kaayenaat Tu Hai
Rabb-E-Mo’jizaat Tu Hai
Bandon Pe Tu Meherbaan

Bikhre Hue Sharmsaar Hain Hum
Rehmat Ke Talabgaar Hain Hum
Waasta ‘Ali Ka, Maula! Rakh Lo Bharam

Kar Do Karam, Maula! Kar Do Karam
Hum Pe Karam, Maula! Hum Pe Karam

Ya Rabb-E-Mustafa!
Ya Rabb-E-Ambiya!
Ya Rabb-E-Murtaza!
Ya Rabb-E-Auliya!

Tu Wahdahu Laa Shareeka Lahoo
Teri Shaan Jalla Jalaaluhu

Tu Kareem Hai, Tu ‘Azeem Hai
Rehmaan Hai, Tu Raheem Hai

Aadam Ko Tu Ne Ism Sikhaye
Nooh Se Kashti Ko Banwaya

Aag Lagi Gulzaar Banaya
Apne Khalil Ko Hai Bachaya

Bhej Ke Misr Mein Yusuf Ko
Shahanshah-E-Misr Banaya

Yunus Ko Pet Mein Machhli Ke
Aayat-E-Kareema Padhwaya

Tere Hukm Se Moosa Ne
Dariya-E-Neel Paar Kiya

Murdon Ko Zinda Karne Ka
‘Isa Ko Mo’jiza Hai Diya

Aakhri Mein Mere Aaqa Ko
Me’raj Pe Bulaya
Deedar Hai Karaya

Ya Rabb-E-Zul-Jalal!
Kar Do Karam