Ya Nabi! Mujh Pe Bhi Ik Nigaah-E-Karam

Karam Ki Bheek Dar-E-Mustafa Se Maangte Hain
Hum Apni Haajaten Haajat-Rava Se Maangte Hain
Unhein Khabar Hai Ki Hum Log Mushkilon Se Najat
Waseela Un Ko Bana Kar Khuda Se Maangte Hain

Ya Nabi! Mujh Pe Bhi Ik Nigaah-E-Karam
Tujh Ko Bheja Gaya Hai Karam Ke Liye
Sarvar-E-Anbiya Tajdaar-E-Haram!
Tujh Ko Bheja Gaya Hai Karam Ke Liye

Ya Nabi! Mujh Pe Bhi Ik Nigaah-E-Karam
Tujh Ko Bheja Gaya Hai Karam Ke Liye

Rashk-E-Firdaus Ban Jaaye Duniya Meri
Ek Lutfe Nazar Mujh Pe Bhi, Ya Nabi!
Paas Aaye Khushi, Door Ho Jaaye Gham
Tujh Ko Bheja Gaya Hai Karam Ke Liye

Ya Nabi! Mujh Pe Bhi Ik Nigaah-E-Karam
Tujh Ko Bheja Gaya Hai Karam Ke Liye

Wajh-E-Rahmat Teri Zaat Pur-Noor Hai
Saari Makhlooq Mein Baat Mashhoor Hai
Kya Falak, Kya Zameen, Kya ‘Arab, Kya ‘Ajam
Tujh Ko Bheja Gaya Hai Karam Ke Liye

Ya Nabi! Mujh Pe Bhi Ik Nigaah-E-Karam
Tujh Ko Bheja Gaya Hai Karam Ke Liye

Do Jahaanon Ka Maalik Banaya Tujhe
Har Tarah Se Nawaaza Hai Allah Ne
Tu Hi A’la-O-Arfa’ Tu Hi Muhtaram
Tujh Ko Bheja Gaya Hai Karam Ke Liye

Ya Nabi! Mujh Pe Bhi Ik Nigaah-E-Karam
Tujh Ko Bheja Gaya Hai Karam Ke Liye