Tab-e-Miraat-e-Sahar Gard-e-Biyaaban-e-Arab

Tab-e-miraat-e-sahar gard-e-biyaaban-e-arab
Ghaaza-e-ru-e-qamar dud-e-chiraaghaan-e-arab

Allah allah bahaar-e-chamanistaan-e-arab
Paak hain los-e-khizaan se gul-o-rehaan-e-arab

Josish-e-abr se khoon-e-gul-e-firdaus kare
Chhed de rag ko agar khaar-e-biyaaban-e-arab

Tashna-e-nahr-e-janaa har arabi o ajami!
Lab har nahr-e-janaa tashna-e-neesaan-e-arab

Tauq-e-gham aap hawa-e-par-e-qumri se gire
Agar aazad kare sarw-e-kharaamaan-e-arab

Mehr-e-mizaa mein chhupa ho to hamal mein chamke
Daale ek boond shab-e-day mein jo baaraan-e-arab

Arsh se muzhda-e-bilqis-e-shafaa’at laaya
Taair-e-sidra nashin murg-e-sulaimaan-e-arab

Husn-e-yusuf pe kate misr mein angusht-e-zanaa
Sar kataate hain tere naam pe mardaan-e-arab

Koocha koocha mehakti hai yahaan boy-e-qamees
Yusufistaan hai har ik gosha-e-kan’aan-e-arab

Bazm-e-qudsi mein hai yaad-e-lab-e-jaan bakhsh huzoor
Aalam-e-noor mein hai chashma-e-haywaan-e-arab

Paaye jibreel ne sarkaar se kya kya alqaab
Khusrau khail-e-malak, khaadim-e-sultaan-e-arab

Bulbul o neelpar o kabak bano parwaano!
Mah o khursheed pe hanste hain chiraaghaan-e-arab

Hoor se kya kahe moosa se magar arz kare
Ke hai khud husn-e-azal taalib-e-jaanaan-e-arab

Karam-e-naat ke nazdeek to kuchh door nahi
Ke Razaaye ajami ho sag-e-hassaan-e-arab