Taj-ul-Auliya

Mazhar-e-noor-e-khuda sarkar taj-ul-auliya
Jalwa-e-shams-ud-duha sarkar taj-ul-auliya

Malik-e-ilm-e-laduni, paikar-e-sabr-o-raza
Tewar-e-sher-e-khuda sarkar taj-ul-auliya

Roshni jis ki wilayat ki hai phaili chaar-soo
Wo charagh-e-fatima sarkar taj-ul-auliya

Zohd-o-taqwa, parsaai mein yaqinan aap hain
Naib-e-ghaus-ul-wara, sarkar taj-ul-auliya!

Baithe baithe hi kara dete hain kaabe ka tawaf
Jaan lo is se hai kya sarkar taj-ul-auliya

Apne mangton ko kabhi mayus lautate nahin
Mamba-e-jood-o-sakha sarkar taj-ul-auliya

Jis taraf bhi dekhiye hai urs-e-sad-sala ki dhoom
Marhaba sad marhaba sarkar taj-ul-auliya

Batta hai sham-o-sehar faizan ghaus-e-pak ka
Aisa hai rauza tera, sarkar taj-ul-auliya!

Bhik lene aaye hain mangte tere darbar mein
Ho karam sab par shaha sarkar taj-ul-auliya!

Naaz kar apne muqaddar par, ai shahr-e-nagpur!
Tujh mein hai jalwa-numa sarkar taj-ul-auliya

Hashr tak phoole-phale ye maslak-e-ahmad-raza
Hai yahi dil ki dua, sarkar taj-ul-auliya!

Har taraf phaili hai jo gulzar ki ye nikhaten
Aap hi ki hai ata, sarkar taj-ul-auliya!