Un Ki Mehak Ne Dil Ke Ghunche Khila Diye Hain

Un ki mehak ne dil ke ghunche khila diye hain
Jis raah chal gaye hain, koche basa diye hain

Jab aa gayi hain josh-e-rahmat pe un ki aankhein
Jalte bujha diye hain, rote hansa diye hain

Ik dil hamara kya hai, aazaar iska kitna
Tum ne to chalte phirte murde jila diye hain

Un ke nisaar koi kaise hi ranj mein ho
Jab yaad aa gaye hain, sab gham bhula diye hain

Hum se faqeer bhi ab pheri ko uthte honge
Ab to ghani ke dar par bistar jama diye hain

Asra mein guzre jis dam bede par qudsiyon ke

Hone lagi salaami, parcham jhuka diye hain

Aane do ya doob do, ab to tumhari jaanib
Kashti tumhein pe chhodi, langar utha diye hain

Dulha se itna keh do, pyaare sawaari roko
Mushkil mein hain baraati, purkhaar Waadiye hain

Allah kya jahannam ab bhi na sard hoga
Ro ro ke Mustafa ne dariya baha diye hain

Mere kareem se gar qatra kisi ne maanga
Dariya baha diye hain, dur be-baha diye hain

Mulk-e-sukhan ki shahi tum ko Raza musallam

Jis simt aa gaye ho, sikke bitha diye hain