Ya Rabbana Irham Lana

Ya Rabbana Irham Lana Ya Rabbana Irham Lana
Ae Khaliq-e-Arz-o-Sama Tere Siwa Koi Nahin
Tujh Sa Nahin Hai Doosra Tere Siwa Koi Nahin

Tu Ne Hamein Paida Kiya Tu Ne Hamein Insaan Kiya
Ehsaan Hai Hum Par Tera Tere Siwa Koi Nahin

Tu Ne Hamein Imaan Diya Tu Ne Hamein Qur’aan Diya
Kaise Karein Hum Shukriya Tere Siwa Koi Nahin

Tu Ne Diye Hain Asfiya Tu Ne Diye Hain Ambiya
Tu Ne Diye Hain Mustafa ﷺ Tere Siwa Koi Nahin

Shams-o-Qamar, Barg-o-Samar, Laal-o-Gauhar Har Khushk-o-Tar
Kitna Ata Hum Ko Kiya Tere Siwa Koi Nahin

Shajr-o-Hajar, Shaam-o-Sahar, Fikr-o-Nazar, Soz-e-Jigar
Itna Koi Deta Hai Kya Tere Siwa Koi Nahin

Itna Karam Rakh Le Bharam Dikhla Mujhe Apna Haram
Maqbool Ho Ye Iltija Tere Siwa Koi Nahin

Haidar Tera Hi Naam Le Har Nek Us Se Kaam Le
Aajiz Hai Ye Banda Tera Tere Siwa Koi Nahin