Jis Pe Dast-e-Karam Aap Ka Ho Gaya

Jis pe dast-e-karam aap ka ho gaya
Pal mein woh dekhye kya se kya ho gaya

Badshah bhi huwe is ke dar ke ghulam
Jo ghulam-e-shah-e-anbiya ho gaya

Jis ne dekha rukh-e-walzaha aapka
Woh nisar-e-habib-e-khuda ho gaya

Jis ne rakha khudi ka gagan zer-e-pa
Woh zameen tha magar aasmaan ho gaya

Sab tabibon ne is ko diya tha jawab
In ke dar pe gaya faida ho gaya

In ke dar se masiha bhi payen shifa
Naam unka marz ki dawa ho gaya

Sahib-e-sabz gumbad ke qadmain se
Qaht sali miti sab hara ho gaya

Aala Hazrat se ulfat ka faizan hai
Ishq mera sand-e-yafta ho gaya

Ishq Ahmad se banjar dilon mein khile
Phool ka naam Ahmad Raza ho gaya

Naam Haider liya jab Ali ka tabhi
Khauf mere jigar se hawa ho gaya