Zaairo Paas-e-Adab Rakho

Zaairo paas-e-adab rakho, hawas jaane do
Aankhein andhi hui hain, unko taras jaane do

Sookhi jaati hai umeed gharba ki kheti
Boondiyaan lakah-e-rahmat ki baras jaane do

Palati aati hai abhi wajd mein jaan-e-shireen
Naghma-e-qum ka zara kanoon mein ras jaane do

Hum bhi chalte hain zara qaafile waalo! Thahro
Gathariyaan toshah-e-umeed ki kas jaane do

Deed-e-gul aur bhi karti hai qayamat dil par
Hamsafeero, hamein phir soo-e-qafas jaane do

Aatish-e-dil bhi to bhadkaao, adab daan naalo
Kaun kehta hai ke tum zabt-e-nafas jaane do

Yun tan-e-zaar ke darpe hue dil ke sholo
Shaiwa-e-khana barandaazi-e-khas jaane do

Ae Raza! Aah ke yun sahal katein jurm ke saal
Do ghadi ki bhi ibaadat to baras jaane do