Zamana Hajj Ka Hai Jalwa Diya Hai Shahid Gul Ko

Zamana hajj ka hai jalwa diya hai shahid gul ko
Ilahi taaqat parwaaz de parhaai bulbul ko

Bahaaren aayin joban par ghira hai abr-e-rahmat ka
Lab-e-mushtaaq bhigay de ijazat saaqiyaa mil ko

Mile lab se wo mushk-e-mohar waali dam mein dam aaye
Tapak sun kar qum-e-eesa kahoon masti mein qulqul ko

Machal jaun sawaal-e-muddai par thaam kar daaman
Bahakne ka bahaana paun qasd-e-be-tamul ko

Dua kar bakht-e-khufta jaag hangaam-e-ijabat hai
Hataaya subah-e-rukh se shah ne shabha-e-kaakul ko

Zabaan-e-falsafi se amn kharq-o-iltiyam asraa
Panaah-e-daur-e-rahmat haae ek saat tasalsul ko

Do shanba Mustafa ka jumma-e-Aadam se behtar hai
Sikhana kya lihaz-e-haisiyat khu-e-tamul ko

Wufoor-e-shaan rahmat ke sabab jurrat hai ae pyaare
Na rakh bahre Khuda sharminda arz-e-be-tamul ko

Pareshaani mein naam unka dil-e-sad chaak se nikla
Ijabat shana karne aayi gesu-e-tavassul ko

Raza nah sabza-e-gardun hain kotal jis ke mauqab ke
Koi kya likh sake us ki sawari ke tajammul ko