Phir Utha Walwala-e-Yaad-e-Mugheelaan-e-Arab

Phir utha walwala-e-yaad-e-mugheelaan-e-arab
Phir khincha daaman-e-dil soo-e-bayaan-e-arab

Bagh-e-firdaus ko jaate hain hazaaraan-e-arab
Haaye sahara-e-arab haaye beyaabaan-e-arab

Meethi baatein teri deen-e-ajam imaan-e-arab
Namkeen husn tera jaan-e-ajam shaan-e-arab

Ab to hai giriya-e-khoon gohar-e-daamaan-e-arab
Jis mein do laal the Zahra ke woh thi kaan-e-arab

Dil wohi dil hai jo aankhon se ho hairaan-e-arab
Aankhein woh aankhein hain jo dil se ho qurbaan-e-arab

Haaye kis waqt lagi phaans alam ki dil mein
Ke bahut door rahe khaar-e-mugheelaan-e-arab

Fasl-e-gul laakh na ho wasl ki rakh aas hazaar
Phoolte phalte hain be-fasl-e-gulistaan-e-arab

Sadaqe hone ko chale aate hain laakhon gulzaar
Kuchh ajab rang se phoola hai gulistaan-e-arab

Andaleebi pe jhagdate hain kate marte hain
Gul-o-bulbul ko larata hai gulistaan-e-arab

Sadaqe rahmat ke kahaan phool kahaan khaar ka kaam
Khud hai daaman-kash-e-bulbul gul-e-khandaan-e-arab

Shaadi-e-hashr hai sadaqe mein chhutenge qaidi
Arsh par dhoom se hai daawat-e-mehmaan-e-arab

Charche hote hain yeh kumhilaye hue phoolon mein
Kyun yeh din dekhte paate jo beyaabaan-e-arab

Tere be-daam ke bande hain raeesaan-e-ajam
Tere be-daam ke bandi hain hazaaraan-e-arab

Hasht-e-khald aayen wahaan kasb-e-lataafat ko Raza
Chaar din barse jahaan abr-e-bahaaraan-e-arab